Jon Naustdalslid er seniorforskar (Forskar I) ved NIBR. Han arbeider særleg innan områda offentleg administrasjon/offentleg politikk, og med særleg interesse for lokal forvaltning/lokalpolitikk, klima- og miljøpolitikk og utviklingsstudier. Han er statsvitar med spesialisering i offentleg politikk.
Dei siste åra har han særleg arbeidd med prosjekt på områda tilpassing til klimaendring, miljøforvaltning og lokalstyre, men han har også brei erfaring med evalueringar og studiar av desentralisering og lokalstyre i u-land.
Han har hatt gjesteforskaropphald ved Universitetet i Aberdeen (1979), og har arbeidd tre år som ’curriculum adviser’ ved Institute of Development Management (IDM), Mzumbe, Tanzania (1985-1988). I tillegg har han arbeidserfaring frå prosjektarbeid i ei rekke land, m.a. Kina, Pakistan, Sør-Afrika, Ghana og Malawi.
Av dei meir enn 35 åra han har arbeidd med samfunnsforsking, har han i 7 år vore forskingssjef, og 12 år instituttsjef, ved NIBR. I delar av denne perioden var han også leiar for instituttsamarbeidet CIENS (Forskningssenter for miljø og samfunn). Han har også vore styreleiar og –medlem i ei rekke styre, råd og utval; m.a. Høgskulen i Sogn og Fjordane, Sino-Norwegian Centre for Interdisciplinary Environmental research (SINCIERE) og Den norske nasjonalkommisjonen for UNESCO.
Han er medredaktør i The International Journal of Sustainable Development and World Ecology.